Ceremonia hapëse e ‘Lojërave Mesdhetare 2030’ do të jetë shumë herë më spektakolare sesa ju e keni imagjinuar. Kjo ceremoni do të zvillohet në Kosovë, ku në këto lojëra do të jenë të përfshira sport, art, kulturë por gjithashtu po punohet për diçka shumë më të bukur që lidhet me performancën e hapjes së ceremonisë.
Në këtë performancë do të jenë dy yjet botërore të muzikës, Dua Lipa dhe Rita Ora të cilat mund të performojnë.
Këtë e ka bërë të ditur zëdhënësi për media i Komitetit Olimpik të Kosovës në Konferenca ndërkombëtare ‘Kufijtë e Lirisë së Fjalës’.
“Kur jemi tek investimet, dua të ndalem këtu. Qeveria, e cila ka qenë partner i fuqishëm këtu dhe pa mbështetjen e tyre do të ishte i pamundur të fitohet një organizim i tillë, ka premtuar dhe ka garantuar që do të investojë mbi 250 milionë euro në infrastrukturën sportive. Do të ndërtohet stadiumi nacional, i shumëpërfolur deri më tani, por që tani ka një garanci që duhet patjetër të ndërtohet të paktën deri në vitin 2029 sepse në atë stadium përveç që do të organizohen ndeshjet e futbollit, parashihet që të zhvillohet edhe ceremonia hapëse dhe mbyllëse e Lojërave Mesdhetare, e që pritet t’i ketë 30 mijë tifozë të pranishëm në ceremonisë hapëse. Pra, këtu nuk do të ketë vetëm sport, do të ketë edhe kulturë dhe art dhe njëra prej mundësive është që në ceremoninë hapëse të përformojë njëra ose dy yjet tanë të muzikës siç janë Rita Ora dhe Dua Lipa. Pra është edhe kjo mundësi që t’i kemi të pranishme që të joshim sa më shumë turistë në ceremoninë hapëse dhe jo vetëm”, tha Krasniqi.
Discussion about this post