Në vend që të vendosin rregull dhe transparencë, institucionet në vendin tonë denoncohen për shkelje të ligjit. Konkretisht, bëhet fjalë për Gjykatën e lartë, për të cilën pak ditë më parë është dorëzuar në Komisionin e Prokurimit Publik një ankesë, në të cilën gjykata akuzohet se ka modifikuar të dhënat e një tenderi. Ankimuesi është kompania “Blueprint Technologies” dhe pretendon se Gjykata e Lartë e ka skualifikuar pa të drejtë nga tenderi për blerje pajisjesh elektronike, që kap vlerat e milionë lekëve. Sipas ankimuesit, Gjykata ka ndryshuar kriteret e tenderit, në rastin konkret ka kërkuar licencim të veçantë nga operatori për tregtimin e pajisjeve. Ndërsa ankimuesi thotë se, ligji i prokurimeve nuk kërkon licencim të veçantë, por Gjykata ka bërë këto manovra për të skualifikuar operatorët dhe lënë në garë kompaninë që ajo donte.
“Paraqesim ankesën toner për ndryshime në DST si më poshtë: Në kriteret e veçanta te kualifikimit 2.1 Kapacitetin profesional të operatorëve ekonomikë kërkon: “Operatori ekonomik ofertues duhet të ketë Licencën e ushtrimit të aktivitetit (Tregtim pajisje elektronike), sipas të dhënave të plotësuara në shtojcën 8“Formulari përmbledhës i Vetdeklarimit.” Tregtimi i pajisjeve elektronike është një veprimtari që nuk kërkon licencim të veçantë. Nuk ekziston asnjë institucion që licencon një Operator ekonomik për tregtim pajisjesh”, thuhet në ankesë.
Modifikime në dokumente
Ndër të tjera, ankimuesi pretendon se në shpalljen e tenderit fitues, ka një mospërputhjes mes datës së kontratës me datën e lëvrimit të fondit për blerjen e pajisjeve. Sipas tij, nuk duhej të shpallej një datë fikse për lidhjen e kontratës, pasi ajo nuk mund të shpallet pa u lëvruar më parë dhënia e pajisjeve, çka tregon hapur se janë bërë modifikime në dokumente. Më poshtë, ankimuesi thotë se Gjykata e Lartë si autoritet prokurues ka shtuar me qëllim kriteret dhe standardet e kualifikimit për këtë tender, në vend që të thjeshtoj procedurat dhe dokumentacionet, ashtu sikur e kërkon ligji i prokurimit. “Vlerësojmë se kërkesat e mësipërme nuk janë ne proporcion me objektin e prokurimit. Ndërkohë që objekti i kontratës është blerje mallrash, të gjitha certifikimet e mësipërme i referohen sherbimeve të IT”, theksohet ndër të tjera në ankesë. Ndërsa, pretendon se Gjykata e Lartë ja ka dhënë këtë tender një kompanie me ofertë të lartë, ankimuesi kërkon që të hiqen kriteret e paligjshme në dokumentet tenderuese.
E.H/ gijotina.com.
Discussion about this post