Reshjet e shiut dhe moti i keq që ka përfshirë prej ditësh vendin tonë ka sjellë problematika të mëdha, duke shkaktuar kështu rënie të gurëve nga kalaja e Lezhës. Tre gurë të mëdhenj antik kanë rënë para tre ditësh, duke sjellë frikë tek banorët poshtë kalasë dhe kalimtarët që kalojnë në rrugë. Kjo situata problematike është shfaqur prej të paktën 4 vitesh dhe asnjë masë nuk është marrë nga institucionet përgjegjëse për t’i dhënë zgjidhje kësaj problematike.
Banorë të zonës shprehen se kjo situatë është mjaft e rrezikshme duke fajësuar direkt pushtetin lokal dhe institucionet e tjera për këtë neglizhencë.
“Gurë që janë shembur para 4 vitesh. Mirë që rrezikon këmbësorët, një gur ka rënë një shtëpisë brenda në oborr, kush nuk ka frikë nga gurët e mëdhenj. Kanë 4 vite që është shembur ai mur i madh dhe askush nuk ka marrë masat. Asnjë nuk është bërë më tepër, jemi në mëshirë të zotit që mos bien më gurë. Nëse bie shi i madh vazhdojnë të bien gurët. Një gur i ka rënë dhe ka bërë gropë në asfalt aty, është gropë”, tha banori i zonës.
Pavarësisht rrezikut për zonën e banuar, rrëshqitja e gurëve antik është një dëm i madh dhe për historinë Lezhës.
Discussion about this post