Sekretari amerikan i Shtetit, Antony Blinken do të vizitojë të enjten për herë të parë Shqipërinë. Një ditë para kësaj vizite të rëndësishme të numrit dy të administratës së SHBA, rrugët e kryeqytetit janë ‘veshur’ me flamuj amerikanë ndërkohë që një poster gjigant është vendosur te Universiteti Politeknik.
Zëdhënësi i Departamentit Amerikan të Shtetit, Matthew Miller theksoi në një konferencë për shtyp se Shqipëria shihet si një faktor kyç për stabilitetin dhe përparimin e Ballkanit Perëndimor dhe se vizita e Blinken riafirmon edhe njëherë marrëdhëniet e forta me Shtetet e Bashkuara të Amerikës.
Blinken pritet të zbresë në tokën shqiptare në orën 11:00 dhe do të qëndrojë deri në 20:00. Blinken do të takohet me kryeministrin Edi Rama si edhe me presidentin Bajram Begaj. Diplomati amerikan pritet të zhvillojë një takim edhe me të rinjtë tek Piramida.
Discussion about this post