Rama nga Brukseli: Na pranoni si pjesë të BE-së, ose rrezikojmë…

Kryeministri Edi Rama është shprehur nga Brukseli se vendet kandidate duhet të “përqafohen” dhe afrohen nga BE pa qenë domosdoshmërish anëtare me të drejta të plota.

Kreu i qeverisë, në një konferencë për mediat, theksoi se “ndryshe rrezikojmë t’i hyjmë një rruge që s’përfundon kurrë, pa asnjë rezultat konkret”.

“Duke pasur vendet tona si anëtare në kuptimin e plotë pa të drejtën e votës, është ajo që duhet të ndodhë në të ardhmen e afërt për BE dhe Ballkanin Perëndimor, duhet të gjejnë rrugën për t’u siguruar se rrugëtimi drejt anëtarësimit tonë duhet të ketë bashkëpunim të ngushtë. ndërveprim organik që duhet të ofrohet nga BE dhe institucionet e tjera.

Është koha që BE të kuptojë që vendet kandidate të Ballkanit dhe jo vetëm nuk janë mjaftueshëm të pjekura, por janë një situatë ku meritojnë të përqafohen dhe të sillen më pranë pa qenë domosdoshmërish anëtarë me të drejta të plota, siç është objektivi fundor.

Besoj fort se ajo çfarë po ndodh sot duhet të ndodhë në Parlamentin e BE, në Komisionin Europian. Është e vetmja rrugë për të qetësuar shpirtra dhe për të injektuar një energji konkrete dhe të prekshme, të dobishme në të gjitha vendet kandidate dhe qytetarët e tyre lidhur me të ardhmen mjaft konkrete e të qenit pjesë e BE, ndryshme rrezikojmë t’i hyjmë një rruge që s’përfundon kurrë por pa asnjë rezultat konkret”, u shpreh ai.

Rama tha se Bashkimi Evropian është i vetëdijshëm me vepra dhe jo me fjalë sesa i rëndësishëm është Ballkani Perëndimor.

Sipas tij, kjo ndodhi vetëm pasi Putini goditi Ukrainën, ndërsa theksoi se që duhet pritur ndonjë agresion tjetër për t’i dhënë përparësi Ballkanit Perëndimor.

“Duke thënë të gjitha këto dua përmbyll se së fundmi po shohim që BE është shumë më i vetëdijshëm në vepra jo vetëm me fjalë, për rëndësinë strategjike që ka Ballkani Perëndimor. Është e trishtë që të duhej Putini që të ndodhte kjo. Besoj se BE duhet ta ruajë këtë rritëm duke ecur përpara me hapa të guximshëm dhe mos presim për një goditje tjetër që të na kujtojë, dhe së pari të kujtojë njerëzit në Bruksel sesa i rëndësishëm është Ballkani Perëndimor për BE. BE është shumë i rëndësishëm për ne, por të gjithë në BE duhet ta kuptojnë dhe të sigurohen që ky ndërgjegjësim të bëhet edhe praktik”, shtoi Rama.