Franco Foda u prezantua sot si trajneri i ri i Kosovës. Te dardanët ka optimizëm se është gjetur timonieri i duhur, ndërkohë që përfaqësueses shqiptare do t’i shtohet së shpejti një tjetër futbollist.
Elvis Rexhbecaj ka nisur procedurat e pajisjes me pasaportë kosovare dhe së shpejti do të debutojë me Kosovën.
26-vjeçari nga Prizreni është një mesfushor modern, i cili i bën mirë të dy fazat e lojës. Prej verës së vitit 2022 luan me Augsburgun në Bundesliga.
Më parë ka qenë pjesë e skuadra si Bochum, Wolfsburg dhe Koln. Rexhbecaj ka shënuar dy gola në kampionat me skuadrën bavareze.
Gjatë prezantimit të Fodës, Agim Ademi, presidenti i FFK-së, konfirmoi faktin që Rexhbecaj do të jetë pjesë e Kosovës në vazhdim.
Në lidhje me mesfushorin foli edhe trajneri Foda, i cili deklaroi se e ka parë disa herë duke luajtur dhe e pëlqen si futbollist.
Discussion about this post