Berisha dhe mbështetësit e tij kanë shkuar pak minuta më parë në zyrat e selisë blu, ku dhe po mbajnë një konferencë për mediet, ndërsa Basha dhe anëtarët e tjerë po bëjnë mbledhje në një tjetër zyrë paralele. Në lidhje më këtë situatë, ka folur në një prononcim për mediet, Lisandër Hoxha, i cili tha se vendimet e Kuvendit të datës 11 ishin legjitime dhe se Basha është i shkarkuar. Hoxha tregoi se Basha ka vendosur të ngujohet në zyrë dhe nuk tenton të dalë.
“Më vjen mirë që jam një nga delegatët që firmosa. Është një vendim i ligjshëm për sa kohë është votuar. Nuk ka një mbledhje kryesie është deputeti Basha që në shkelje të vendimeve që prodhuam në 11 Dhjetor po administron në mënyrë të paligjshme. Ka mbyllur dyert dhe është strukur në zyrë. Ka vendosur të ngujohet në një nga zyrat. Nuk ka problem, ne nuk kemi probleme me mendimin ndryshe. Shumica janë të zotët e institucioneve. Në PD shumica ka folur” u shpreh ai, ndërsa tha se Kuvendi i 11 dhjetorit po fillon të japë frytet e tij.
Discussion about this post