VIDEO/ Nis loja, a reaguan banorët me “ngacmimet” e Vëllait të Madh?

Vëllai i Madh i përgatiti banorët mbrëmë se gjatë ditës së sotme do të përballen me situata të pazakonta në shtëpi, ndaj të cilave nuk duhet të reagojnë

Vëllai i Madh i përgatiti banorët mbrëmë se gjatë ditës së sotme do të përballen me situata të pazakonta në shtëpi, ndaj të cilave nuk duhet të reagojnë.

Nëse banorët e shtëpisë së “Big Brother VIP 3” arrijnë t’a kryejnë me sukses këtë sfidë, çmimit të madh do i shtohen 10 mijë euro. Kujtojmë se aktualisht çmimi është 80 mijë euro, për shkak se 20 mijë euro i humbi Egla teksa prishi sfidën e fermës.

Nëse banorët reagojnë nga situatat, atëherë çmimi ulet me 5 mijë euro pas çdo reagimi.

Ndërkohë loja ka nisur dhe banorët janë përballur me situatat e para të pazakonta. Teksa ata ishin ulur në living, në led është shfaqur një lajm ku protagonistë janë vëllai i Julian Dedës, Mario dhe vëllai i Romeo Veshajt, Donaldi.

Të shtunë, Donaldi reagoi përmes një postimi në “Instagram” në lidhje me komentet që u bënë në “Prime” për lojën e sekreteve. Ai kishte zgjedhur që shkrimin e tij t’a shoqëronte me një foto të parketit.

Menjëherë reagoi Mario, i cili u duk sikur po ironizonte postimin e Donaldit. Edhe ai postoi një foto të parketit dhe krahas tij shkruante: “Foli dhe parketi”.

Ndërkohë kur banorët lexuan këtë lajm, ata nuk bënë asnjë reagim. Të presim se çfarë do të ndodhë me situatat e tjera që do u bëjë Vëllai i Madh.