Mijëra mbështetës të opozitës iu përgjigjën pozitivisht ftesës dhe thirrjeve të drejtuesve të PD dhe partive të tjera opozitare për të protestuar kundër Kryeministrit Edi Rama.
Protesta po zhvillohet në bulevardin “Dëshmorët e Kombit”, përballë Kryeministrisë, ndërsa Kreu i Qeverisë, Edi Rama, ndodhet në një vizitë zyrtare në Turqi.
Mbështetës të opozitës kanë udhëtuar nga rrethet në drejtim të Tiranës, ndërsa shumica e protestuesve shprehen se janë bashkuar për shkak të kushteve ekonomike, varfërisë, papunësisë, korrupsionit dhe padrejtësive të Qeverisë.
Për herë të parë në një protestë të thirrur nga PD mungon kreu demokrat, Sali Berisha, i cili ndodhet në arrest shtëpie, por do ti drejtohet me një mesazh qytetarëve, përmes lidhjes “Skype”.
Disa qindra forca policore janë angazhuar, ndërsa godina e Kryeministrisë përveç një rrethimi me trupa policore dhe barriera metalike që ndajnë policët nga qytetarët protestues, është blinduar me llamarina, sikundër ka ndodhur edhe më parë. Gjithashtu zona rreth Kryeministrisë është blinduar me kamesa sigurie me një rezolucion të lartë, edhe kjo një masë e aplikuar edhe në protestat e mëparshme të opozitës.
Discussion about this post