Aktori Mehdi Malkja u shpreh se Aleanca për Mbrojtjen e Teatrit ka depozituar 46 kallëzime në SPAK, por asnjëherë nuk mori përgjigje për shembjen e Teatrit Kombëtar.
Ndërsa ka marrë fjalën në protestën e opozitës, Malkja tha se kjo drejtësia e re është më e vjetër se ajo drejtësia e vjetër.
“Rama ik? Nuk ikën Rama, atë duhet ta heqim. Ky është një moment historik, ne duhet të vendosim zemrën, ne duhet ti japim Ramës një dru që mos e gjejë më rrugën në Kryeministri. Po të jetë ky në pushtet nuk do të ketë më shqiptarë, nuk do të ketë më Shqipëri, se ky e shet”, tha Malkja.
Aktori e nisi fjalën e tij me vargjet e poezisë së Naim Frashërit “Ti Shqipëri më jep nder” duke emocionuar të pranishmit.
“Ti Shqiperi,me jep nder,
me jep emrin shqipetar,
zemren ti ma gatove
plot me deshire e me zjarr!”- recitoi aktori.
“Në vitin 2013 kur morën pushtetet hajdutët, Edi Rama ka mbajtur një fjalim përpara PS, ku fjalia e fundit ishte që “nga sot unë jam kryeshërbëtori juaj”.
Kur ai është kryeshërbëtori, ne i bie që jemi kryepronarët. Mirëpo pasi kaluan ca muaj ky kryeshërbëtori filloi të rrahë kryepronarët. Miq të dashur ka ardhur koha që ne kryepronarët t’i japim një hu atij që mos ta gjej më rrugën e kryeministrisë”, tha ai.
Discussion about this post