Teuta dhe Kukësi dhurojnë spektakël në pjesën e parë, dy gola të anuluar në “Elbasan Arena”

Teuta dhe Kukësi janë ndarë në një barazim pa gola në pjesën e parë të ndeshjes që po luhet në “Elbasan Arena”.

Pjesa e parë ka dhuruar emocione të shumta me dy gola të anuluar dhe raste të shumta. Taipi gjeti fillimisht rrugën e rrjetës për Kukësin, por goli u anulua, pasi u gjykua se Feizaho ishte në pozicion jashtë loje ne nisje të aksionit.

Një tjetër gol u anulua për Kukësin, kur Marku gjeti portën duke gjuajtur me kokë pas një goditje dënimi. Megjithatë verilindorët nuk mundën të kalonin as këtë herë në avantazh, sërish për pozicion jashtë loje.

Në minutën e 25-të, Elimliano Vila provoi të shënonte për durrsakët, por goditi vetëm shtyllën.

Aktualisht Kukësi ndodhet në vendin e dytë të renditjes me 23 pikë, ndërsa Teuta është në vendin e pestë me 17 pikë.