Armando Kumaraku dhe nëna e tij, Natasha Rombula, kanë përfunduar në qeli, pasi një ditë më parë Gjykata e Beratit, caktoi masën e sigurisë “arrest me burg” ndaj tyre, si të dyshuar në shfrytëzimin e fëmijës 10 vjeç (djali i Armandos) në rrjetin social TikTok për përfitim të ardhurash.
Arrestimi i Kumarakut dhe nënës së tij erdhi pas denoncimit të bërë nga e ema e 10-vjeçarit, ish-bashkëshortja e Armandos. Në video që publikoheshin në TikTok, 10-vjeçari shfaqej duke folur me gjuhë banale, ndërsa dy të arrestuarit qeshnin me videot që më pas postoheshin.
Një ditë pas caktimit të masës së sigurisë, JOQ ka publikuar një tjetër video, që ngre dyshimet se Armando Kumaraku ishte edhe tutor. Në videon e publikuar shfaqen dy vajza, të cilat urdhërohen nga Kumaraku, sipas dyshimeve të ngritura nga JOQ, që të ulnin pantallonat dhe shfaqnin të pasmet. Ndërkohë Kumaraku bisedonte me një person që dukej se ishte i inetersuar për një nga vajzat.
Nuk dihet nëse video është reale dhe nëse Kumaraku është i përfshirë ose jo në një tjetër veprimtari të paligjshme, si tutor, por nga raportimet mediatike ai bënte një jetë luksoze, me të ardhurat nga veprimtari të paligjshme.
Discussion about this post