Ministria e Shëndetësisë ka bërë publike shifrat e përballjes me pandeminë gjatë 24 orëve të fundit. Sipas të dhënave rezulton se janë shënuar 138 raste të reja nga 1836 testime të kryera. Ndërkohë janë shënuar 6 humbje jetësh nga Covid-19, një qytetar nga Vlora 55 vjeç, dy qytetarë nga Durrësi të moshave 65-67 vjeç, një qytetar nga Elbasani 67 vjeç, një qytetar nga Berati 70 vjeç, një qytetar nga Tirana 81 vjeç.
Raportohet se aktualisht në spitalet Covid-19 po marrin trajtim 147 pacientë, nga të cilët 15 janë në gjendje më të rënduar. Gjithashtu, janë shëruar 189 qytetarë gjatë 24 orëve të fundit, duke e çuar numrin e të shëruarve në 195,436 që nga fillimi i epidemisë.
Discussion about this post