Eksperti i çështjeve të sigurisë, Ilir Kulla, e konsideroi vrasjen e 50-vjeçarit Pëllumb Meta nga pjesëtarët e familjes së tij (fëmijët) është një ngjarje që nuk e gjen as në skenarët e filmave.
Nga studio e emisionit “Zonë e Lirë”, Kulla tha se prapa kësaj historie nuk qëndrojnë ato që thuhen, por ka të tjera shkaqe.
“Nuk besoj se shkaku i vrasjes është ajo që thuhet, pra viktima donte të fejonte vajzën, me dikë që ajo nuk e donte.
Mendoj se shkaqet janë ose dhuna në familje, ose çështje parash, ose të tjera, por s’ka lidhje me alibinë që thuhet.
Ngjarja bëhet edhe më makabre kur mendon se trupin e pajetë e kanë varrosur në oborrin e shtëpisë. Imagjino pak që ata dilnin çdo mëngjes dhe kufoma ishte aty, në oborrin e shtëpisë”, tha Kulla.
Ai tha se nuk e ka besuar që në fillim që krimin e ka kryer vajza. “Është e pamundur që një 19 vjeçare që qëllojë 4 herë me pistelotë në shenjë”, tha Kulla.
Discussion about this post