“Drejtësia shqiptarë është katastrofa më e madhe pas rënies së Perdes së Hekurt në Europë”, u shpreh ish-Kryeministri Sali Berisha pasditen e sotme, në fjalimin që i drejtoi mbështetësve të tij, ndërsa shtoi se ky është sistemi më pengmarrës i ngritur në ndonjë vend.
“Shikoni kush kryeson Gjykatën Speciale. Shikoni kush është ajo.
Edhe njëherë i bëj thirrje sonte: thuaji shqiptarëve, je përzënë nga ndonjë vend fqinj? Je ndëshkuar nga ndonjë vend fqinj për punë llumi? Apo je aty dhe shkëlqen?
Po ti Duman, që gjer në vitin 2016 ke pasur të regjistruar tre apartamente me rrogën tënde dhe të bashkëshortes, cili nga ju mund të blinte tre apartamente me rrogën në shtet dhe me disa përkthime?
Asnjë, asnjë, asnjë!
Duman, pas 54 vite punë, kam arritur të blej 30 metra katrorë apartament më shumë se ç’kam patur në diktaturë.
Nga të erdhën ty fondet për t’u bërë me tre shtëpi? Apo t’i di Edi Rama dhe të mban për zverku.
Thuajua shqiptarëve dhe largohu se e ke bërë Kushtetutën si statutin e partisë tënde që e shkelmon çdo ditë.
Po ai tjetri, Kraja? Po Sadushi me veting sekret? Po Panda me veting sekret?
Kjo është drejtësia e të marrurve peng, drejtësia e pengmarrjes, më e shëmtuar në historinë e një vendi.
Të gjitha i kontrollon Edi Rama”, tha Berisha.
Discussion about this post