GJKKO ka shtyrë seancën për ish-Kryeministrin Sali Berisha për shkak të mungesës së gjyqtares Irena Gjoka. Kjo e fundit ishte në një tjetër proces gjyqësor, çka pamundësonte pjesëmarrjen ne saj në gjykimin e kërkesës së Berishës.
Në përfundim të orarit zyrtar, avokatëve të ish-Kryeministrit iu komunikua nga sekretaria e GJKKO-së shtyrja e seancës ku do të shqyrtohej kërkesa e e Berishës për ndryshimin e masës së sigurisë.
Berisha kërkon nga GJKKO heqjen e masës së sigurisë “arrest në shtëpi”, e cila iu vendos në 30 dhjetor 2023.
Ish-Kryeministri po hetohet nga SPAK, bashkë me dhëndrin e tij Jamarbër Malltezi, lidhur me atë që njihet si dosja “Partizani”. Si Berisha ashtu edhe Malltezi ndodhen në masat e sigurisë “arrest shtëpie”, ndërsa vendimet e GJKKO janë konsideruar si politike dhe të dirigjuara nga Kryeministri Edi Rama.
Discussion about this post