Ish-kryeministri Sali Berisha u shpreh se ishte i sigurt se Lulzim Basha nuk mund të bëhej kurrë lider, por besoi në idenë se një parti mund të fitojë dhe pa një të tillë, ide të cilën e mbështeti me disa shembuj nga bota.
“Isha i sigurt që kurrë nuk bëhej lider. Por pse unë isha i sigurt, publikisht nuk mund t’ia privoja nga kjo gjë, por atij ia kisha thënë me dhjetëra herë. Por zgjedhjet fitohen edhe kur kryetari nuk është lider. Dhe kjo u faktua në Francë me Hollande. Bashkëjetuesja e tij ishte lidere, konkurroi me Sarkozy dhe dilte lider. Bashkëjetuesi i saj nuk dilte lider. Dhe ai pati mençurinë t’u thotë francezëve unë nuk jam lider, jam njeri normal. Nëse votoni keni votuar një prej jush.”
Berisha ka mohuar meritat e Lulzim Bashës në anëtarësimin e Shqipërisë në NATO, duke shtuar se meritat e jashtëzakonshme i takojnë ish-ministrit të Mbrojtjes Fatmir Mediut. Në të njëjtën kohë Berisha ka akuzuar Bashën se ka tjetërsuar rezultatet e Poll-ve për zgjedhje, pasi i bënte vet ato.
Basha tha se kam anëtarësuar Shqipërinë në NATO. Ka meritë, nuk e mohoj. Meritë të jashtëzakonshme ka Fatmir Mediu. Nuk i mohoj meritat. Por kur marrin përsipër atë që s’e kanë bërë, bëhen qesharakë. Unë i kisha thënë dile dhe thuaju shqiptarëve që jam njeri normal. Ia kërkova edhe kompanisë së konsultimeve, një komapni shumë e mirë, por ky e mashtronte me poll-et. Poll-e të cilat e paraqisnin këtë si lider i bënte fiks kompania e tij. Ishte një person në një universitet privat. Pra i bënte vetë. Në këtë mënyrë ai paraqitej se po ngjitej kur doli se vetëm 19% e votuesve demokratë e votuan për lider”, u shpreh Berisha.
Nga ana tjetër Basha nuk ka kursyer akuzat ndaj Berishës, të cilit i ka rikujtuar 21 janarin dhe e ka quajtur hyrjen e tij së bashku me demokratët e tjerë në selinë blu, si një zell prej komunisti.
Discussion about this post