Një ngjarje e rëndë u regjistrua disa ditë më parë në ShënaVlash të Durrësit. Trupi i Pëllumb Metës, baba i 4 fëmijëve u gjet i varrosur në kasollen e bagëtive, 70 metra larg banesës së tij në fshatin ShënVlash.
Vrasjen e mori përsipër e bija, me pretekstin që i ati donte ta fejonte me zor por policia dyshoi që në fillim që pas kësaj vrasje makabër fshiheshin dhe persona të tjerë.
Së fundmi është zbuluar që bashkëshortja e të ndjerit dyshohet se ka bashkëpunuar me fëmijët e saj dhe i ka shtyrë ata për vrasjen e babait të tyre.
Gjyshi fëmijëve, në një intervistë të dhënë së fundmi ka kërkuar zbardhjen e plotë të ngjarjes dhe deklaron se vajza e tij nuk është në gjendje të flasë lidhur me këtë ngjarje të rëndë të ndodhur në familjen e tyre.
Ai tha se nëse fëmijët janë fajtorë duhet të rrinë në burgim të përjetshëm, pasi nuk e meritojnë të dalin.
‘Ne jemi bërë me lujt mendsh. Unë nuk e di si jam gjallë. Veç një fjalë kam thënë, të zbardhet e vërteta e kësaj ngjarje. Nuk kërkojmë asgjë. Ato le të rrinë në burg të përjetshëm nëse e meritojnë. Nëse nuk e meritojnë, ta vendosin organet kompetente. Unë nuk e di si jam gjallë. Unë e kam kaluar një situatë të vështirë. Tani është më e rëndë. Unë as vajza nuk jemi në gjendje të flasim’.
Discussion about this post