Policia e Elbasanit bën bilancin, 7 mijë gjoba vetëm në shkurt

Policia Rugore e Elbasanit ka vendorur 7 mijë gjoba vetëm në muajin shkurt. Sakaq, janë arrestuar në flagrancë 17 drejtues automjetesh dhe janë proceduar penalisht 9 të tjerë, për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.

Kujtojmë se kontrolle intensive vazhdojnë në të gjitha akset rrugore të qarkut, për parandalimin e aksidenteve dhe për rritjen e parametrave të sigurisë rrugore.

Gjatë këtij muaji, janë vendosur 7556 masa administrative, të ndara konkretisht:

3701 për shpejtësi mbi normat e lejuara;

563 për përdorim të celularit gjatë drejtimit të mjetit;

98 për mosdhënie përparësie këmbësorëve në vijat e bardha;

621 për mosvënie të rripit të sigurimit nga drejtuesit e automjeteve;

54 për mosvendosje të kaskës mbrojtëse nga drejtuesit e motomjeteve;

37 për drejtim mjeti pas përdorimit të pijeve alkoolike;

1158 për parakalime të gabuara;

291 për parkime të gabuara, 215 nga këto raste të evidentuara nga makina inteligjente;

34 për moskalim të këmbësorëve në vendin e përcaktuar për ta;

999 për shkelje të ndryshme të Kodit Rrugor.

Policia e Elbasanit apelon për të gjithë përdoruesit e rrugës që të zbatojnë me rigorozitet rregullat e qarkullimit rrugor.