Jorida Tabaku i është bashkuar zyrtarisht grupit parlamentar të PD-së të drejtuar nga Gazment Bardhi. Disa ditë më parë, gjatë një interviste televizive, Tabaku tha se ishte pjesë e grupit parlamentar, ndërsa kërkoi bashkimin e të gjithë demokratëve.
Por sot, deputetja e cila më parë nuk ishte pozicionuar me asnjë nga grupimet në PD, duket se ka marrë më në fund një qëndrim, duke iu bashkuar grupit parlamentar të PD-së, që tashmë janë pjesë e partisë së drejtuar nga Sali Berisha.
Tabaku ka firmosur nismën e kolegëve të saj deputetë duke iu drejtuar Gjykatës Kushtetuese lidhur me shfuqizimin e ligjit për taksimin e profesioneve të lira, që u depozitua sot në këtë gjykatë.
“Duke shijuar bashkimin cilësor në diversitet”, ishte komenti i Agron Gjekmarkajt, i cili postoi edhe një foto në rrjet ku shfaqej ai në krah të Gazment Bardhit, Lefter Gështenja dhe Jorida Tabaku.
Discussion about this post