Prej 5 muajsh i shpallur në kërkim, shqiptari arrestohet rastësisht nga Policia

I shpallur në kërkim për vrasje të mbetur në tentativë, arrestohet shqiptari. Policia italiane arrestoi një 28-vjeçar gjatë një kontrolli rutinë në një grup turistësh, duke zbuluar se mes tyre ndodhej edhe një shqiptar, ndaj të cilit Gjykata e Alessandrias kishte lëshuar një urdhër arresti.

Arrestimi ndodhi në zonën e Miramares. 28-vjeçari dyshohet se në shtator të 2023 ka qëlluar me thikë në një lokal bastesh një të njohurin e tij pas një debati. Krimi ka ndodhur në Acqui Terme. Shqiptari qëlloi dy herë me thikë personin tjetër dhe më pas është larguar. Për rreth 5 muaj shqiptari arriti t’i shpëtojë drejtësisë, ndërsa së fundmi është arrestuar dhe dërguar në paraburgim.