Djali kishte ardhur nga Italia, humbi jetën me babain nga shpërthimi në Lushnje

Djali që humbi jetën bashkë me babain e tij, si pasojë e shpërthimit të fortë në Lushnje, ishte kthyer nga Italia. Kjo pohohet nga një prej të afërmve të dy viktimave, gjatë një interviste për Euronews Albania. Ai tha se Roland Verçani, i cili ishte në drejtimin e vinçit, dhe djali i tij, sot kishin filluar punë në kapanonin që shpërtheu.

I afërmi theksoi se i riu sapo ishte kthyer nga Italia, pasi ishte në emigrim.

Mes tjerash ai shtoi se Roland ishte baba i tre fëmijëve, ndërkohë që dhe më parë bënte të njëjtën punë, pra me vinç.

“Janë kushërinjtë tonë, Landin e kemi fis. Ishte dita e parë e punës bashkë më djalin.

Punonte me kamion, me vinç. Landi ka dy çuna dhe një gocë. Landi ishte 55 vjeç.

Çuni ka qenë në Itali, djali kishte rreth një muaj që kishte ardhur nga emigrimi. Punonin, mirë e kishin gjendjen ekonomike”, tha ai.