Kampionati anglez i futbollit, Premier League është alarmuar nga zbulimi i 42 rasteve me Covid-19 në një javë, që është rekord ë nga maji 2020.
Në një njoftim mbi situatën elita e futbollit në Angli bën me dije: “Midis të hënës, 6 dhjetorit dhe të dielës, 12 dhjetorit, janë kryer 3,805 teste mes lojtarëve dhe anëtarëve të stafeve teknikë. Midis tyre, 42 teste të reja rezultuan pozitive”.
Infektimet me Covid janë shfaqur edhe në disa klube kryesore, përfshirë Manchester United. Për këtë arsye Liga u ka kërkuar klubeve të rivendosin masat shëndetësore, si maskat ose distancimi social, ndërsa Britania ka vendosur kufizime të reja.
Ndërsa javën e kaluar rikujtojmë se ishte Tottenham që raportoi 13 raste pozitiv me koronavirus, mes të cilëve lojtarë e staf, gjë që solli edhe anulimin e takimit të Conference League kundër Rennes.
Klube të tjerë që mësohet se kanë të infektuar përveç ‘Spurs’ e United janë Brentford, Norwich, Leicester dhe Aston Villa./K.T/Gijotina.com
Discussion about this post