Deputeti demokrat Dashnor Sula është shprehur skeptik ndaj votimit lidhur me ndryshimet statutore që pritet të ndodhin sot në mbledhjen e Këshillit Kombëtar në selinë blu. Sipas tij, ky është një hap i gabuar, pasi do të krijojë pakënaqësi.
Sula tha se duhet votë e fshehtë dhe deklaroi se nuk do të marrë pjesë në mbledhje, megjithëse shtoi se është pro bashkimit.
“Nuk ka votim të fshehtë. Nuk ka kandidatura dhe alternativa. Duhet votim i fshehtë, ky është instituti i votës. Kur bën artifica për të bërë një angranazh të tillë, është zgjidhje e momentit dhe në afatgjatë krijon pakënaqësi. Jam shumë pro bashkimit, por duhet vota e fshehtë, që u trumpetua edhe nga Berisha. Edhe unë nuk do të marr pjesë në mbledhjen e Këshillit Kombëtar, pasi nuk pajtohem.
Sjellja në opozitë është edhe fytyra e qeverisjes nesër. Me çfarë kartash do ta mundim Ramën? Duhet të kemi kartën morale”, tha ai.
Discussion about this post