Vrasësi i Jugen Dukës është efektiv policie, këto janë dyshimet e para pas verifikimeve të bëra nga policia. Mësohet se policia ka kontrolluar kamerat e sigurisë në market dhe është bërë i mundur identifikimi i autorit të dyshuar të vrasjes së Dukës, i cili është shtetasi A. S., banues në Sauk, punonjës policie në DVP Dibër.
Po nga veprimet hetimore të kryera dhe deklarimet e marra nga personat që ishin prezent në vendngjarje ka rezultuar se ngjarja ka ndodhur pas një konflikti të çastit dhe autori i dyshuar nuk ka qenë në shërbim gjatë ngjarjes. Ndërsa raportohet se autori me vitaminë nuk kishin lidhje dhe njohje me njëri- tjetrin. Ndër të tjera bëhet me dije se, gjatë kontrollit të rrobave të viktimës, policia ka gjetur dhe sekuestruar një sasi prej 2.8 gramë lëndë narkotike e dyshuar kokainë, ndërsa në vendin e ngjarjes janë sekuestruar një gëzhojë pistolete dhe një DVR me pamjet filmike të ngjarjes.
Pamjet që japin kamerat e sigurisë tregojnë se viktima dhe autori kanë debatuar fillimisht se kush prej tyre do të bënte i pari pagesën në kasë. Në debat e sipër ata janë konfrontuar me njërit-tjetrin dhe mes tyre është përfshirë edhe shoku i Dukës, i cili ka ndërhyrë për të qetësuar gjakrat, por situata është agravuar edhe më shumë, ku më pas efektivi i policisë ka nxjerrë armën dhe ka qëlluar Dukën. Në fund të videos shihet viktima që bie në tokë pas përplasjes më autorin e krimit. Arma shkrepet në sekondën e 27. Të gjithë largohen dhe në market mbeten viktima me shitësin. Nën drejtimin e Prokurorisë, grupi hetimor në bashkëpunim me SHÇBA-në vijon punën për zbardhjen e plotë të ngjarjes, ndërsa efektivi i policisë është shpallur në kërkim.
Discussion about this post