Detaje të reja kanë dalë në dritë lidhur me arrestimin e ish-ministrit të LSI, Lefter Koka nga SPAK. Mësohet se, Koka është arrestuar në banesën e tij në Durrës, rreth orës 11:30.
Ndaj Kokës, rëndojnë akuzat për shpërdorim detyre, pastrim parash dhe korrupsion. Koka është një nga emrat më të lakuar kur bëhej fjalë për akuzat e skandaleve të inceneratorëve e pikërisht hetimet për incineratorët raportohet se kanë çuar pas hekurave.
Koka ka qenë ministër i Mjedisit i LSI në kohën e koalicionit për PS, dhe gjithashtu deputet i kësaj force politike, deri më zgjedhjet e 25 prillit, ku ai njoftoi se do të garonte në listat e PS. Lajmi i arrestimit të Kokës duket se nuk ishte aq i papritur, thënë kjo pasi ish-ministri, arriti të siguronte mandatin e deputetit në qarkun e Durrësit, por hoqi dorë vetëm pak ditë më vonë.
Discussion about this post