Ilir Beqaj, ish-ministër i Shëndetësisë, u paraqit para SPAK, bazuar në vendimin e GJKKO-së, që e detyron atë të paraqitet çdo të premte para oficerit të Policisë Gjyqësore, ndërsa po hetohet për koncensionin e sterilizimit.
Duket se ish-ministri i Ramës ka humbur durimin sot, teksa në komunikimin që pati me gazetarët tha se duhet të vendoset nëse jam nën hetim, apo jam palë e tretë.
Ai tha se është person nën hetim dhe aktet hetimore duhet t’i marrë falas.
“Së pari më lejoni t’iu uroj juve 8 Marsin dhe ndjesë nëse ardhja ime e përjavshme këtu ju ndalon nga të qenit me ata që keni dëshirë. Unë jam i hapur për hetimet që në krye të herës dhe besoj se e drejta ime do të përballet në gjykatë dhe jo në prokurori.
Unë jam përpjekur të jem në marrëdhënie institucionale me institucionet e drejtësisë, dhe javën tjetër do të ketë një tjetër seancë për këtë çështje. Unë kam 4 muaj në hetim dhe kur kam kërkuar aktet më është vënë para një urdhër i kancelares që flet për palë të treta. Atëherë duhet të ma ndajnë, a jam në hetim apo palë e tretë. Si palë e tretë ka çështjet të tjera, por unë jam person në hetim dhe udhëzimi i SPAK flet për një procesverbal që mban prokurori shënimet e shpenzimeve, jo personi në hetim. Duhet ta ndajnë çfarë jam”, tha Beqaj.
Keni thënë se duhet të hetohet edhe zbatimi i kontratës koncesionare, kemi parë edhe pasardhësen tuaj zonjën Manastirliu në SPAK, a referoheshit faktit të thirrjes së zonjës Manastirliu?
Beqaj: Kam kërkuar të hetohet pse nuk u vu në punë 2 vjet e gjysmë por u mbajt aty kur nevoja ishte ulëritëse dhe avantazhet që ka sjellë kjo kontratë në krahasim me kohën kur nuk përdorej centrali i sterilizimit.
Discussion about this post