Automjeti del nga rruga, 3 të plagosur

Tre persona u plagosën në një aksident, që ndodhi në Tepelenë.

Aksidenti ndodhi në aksin rrugor ‘Krahës-Malas’, ndërsa të plagosur mbetën drejtuesi i mjetit dhe dy pasagjerë.

Policia e Tepelenës/ Informacion paraprak

Rreth orës 15:05, në aksin rrugor ‘Krahës-Malas’, shtetasi E. M., 41 vjeç, banues në Memaliaj, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë janë dëmtuar shtetasi E. M. dhe 2 pasagjere në automjetin që drejtonte ai. Të tre këta shtetas janë dërguar në spital, ku janë jashtë rrezikut për jetën.

Grupi hetimor po punon për sqarimin e rrethanave të aksidentit.