Uzuni shkëlqen me dy gola, por Granada mposhtet në Spanjë

Myrto Uzuni, sulmuesi i kuqezinjve, ka shkëlqyer me dy golat e realizuar për ekipin e tij, Granada, në La Liga, por Societadi ka fituar me përmbysje.

Uzuni realizoi golin e avantazhit për Granada në minutën e 21-të me një 11-metërsh, avantazh ky që zgjati 12 minuta, pasi Societadi barazoi me Sadiç në minutën e 33-të.

Në fund të pjesës së parë, Myrto Uzuni godet sërish, sulmuesi “kuqezi” shënon me kokë dhe 2:1.

Le Normand në minutën e 80-ta ka barazuar rezultatin. Uzuni është zëvendësuar në minutën e 81-të dhe 4 minuta më pas, Andre Silva me golin e shënuar i siguroi fitoren Sociedadit.

Sociedad është në vend të gjashtë me 43 pikë e Granada në të 19-tin me 14 sosh.