Bashkia Has ka reaguar lidhur me foshnjën 3 muajshe, e cila ndërroi jetë si pasojë e afsiksisë nga ajri i thatë, ditën e sotme.Bashkia Has është shprehur se ky insititucion është treguar i vëmendshëm ndaj këtë rasti, duke i ofruar banese sociale, ushqime dhe medikamente familjes në fjalë. Ndërsa për nënën e foshnjës, e cila raportohet se vuante nga probleme të shëndetit mendor është ofruar një ndihmë ekonomike nga strukturat e shërbimit social.
“Në emër të gjithë qytetarëve të Hasit, Bashkia e Hasit i shpreh ngushëllimet më të thella familjes Peca për humbjen tragjike të foshnjes.
Bashkia Has në bashkepunim me partnerë të tjerë në vazhdimësi ka qenë e vëmendshme ndaj nevojave të familjes duke i mbështetur ata, duke i ofruar banese sociale, ushqime dhe medikamente.Krahas kësaj ndihme, nga strukturat e sherbimit social, nëna mbështetet me pagesën e programit të aftësisë së kufizuar.Gjithashtu është përfituese e ndihmës ekonomike.”
Lidhur me kujdestarinë e foshnjës, referuar pamundësisë së nënës së saj për tu përkujdesur për të, Bashkia Has sqaron se është propozuar dërgimi i foshnjës në një institucion të përkujdesit për fëmijë, por kjo masë është kundërshtuar nga gjyshja e së ndjerës.
“Duke qenë se zonja është diagnostikuar me problematika të shëndetit mendor, grupi teknik ndërsektorial ka propozuar vendosjen e fëmijës në një institucion të përkujdesit për fëmijë, si një masë emergjente pasi prindi nuk mund të ushtrojë përgjegjësinë prindërore, masë e cila u kundërshtua nga gjyshja e fëmijës, e cila ka deklaruar se do të kujdeset për fëmijën. Në këto kushte, pas deklaratës së lëshuar nga gjyshja e femijes, ka qenë i pamundur transferimi në institucion rezidencial.Edhe një herë Bashkia Has me pikëllim dhe dhimbje, shpreh ngushëllimet më të thella familjes dhe të afërmve të fëmijës për humbjen e rëndë”, thuhet në njoftim.
Asfiksia e foshnjës 3 muajshe erdhi si pasojë e pakujdesisë nga e ëma e saj, e cila dyshohet se vuante nga probleme të shëndetit mendor.
Discussion about this post