Skuadra e Teutës u shpall kampione e Kategorisë Superiore vetëm pak çaste më parë. Sukses që vjen pas gati tre dekadash teksa fitoi konkurencën e ashpër me skuadrat si Vllaznia, Partizani dhe Laçi.
“TEUTA KAMPIONE E SHQIPËRISË
Pas 27 vitesh pritje, Teuta fiton titullin kampion duke mundur në ndeshjen e fundit të kampionatit 6-1 Apoloninë në stadiumin “Niko Dovana”. Ky është titulli i dytë kampion gjatë historisë 101-vjeçare të KF Teuta dhe i pari për presidentin Edmond Hasanbelli në krye të “Djemve të Detit”, është reagimi i skuadrës bregdetare.
