Vazhdimisht studentët janë ankuar në media, në rrjetet sociale apo edhe tek drejtoria e konvikteve që se kaldajat ndizen vetëm 1 orë në mbrëmje. Gjithë ditën të rinjtë që duhet të mësonin për sezonin e provimeve, ngrinin së ftohti. Tani që kemi hyrë në stinën e pranverës, drejtoresha e Veliajt kujtohet të blejë lëndë djegëse për kaldajat e konvikteve.
Më datë 24 janar 2024, Rezidenca Studentore Universitare Nr. 2 në varësi të Bashkisë Tiranës dhe nën administrimin e Zhanina Dapit, ka hapur një tender me objekt “Blerje lëndë djegëse gazoil për kaldajat”. Sipas të dhënave të publikuara, Bashkia Tiranë do të shpenzojë 35 milionë lekë nga fondi i studentëve për të ndezur kaldajat në këto ditë kur në fakt nuk është fare nevoja sepse është shumë ngrohtë.
Kështu, tenderi shërben si mënyrë për të kaluar fondin tek firma e paracaktuar, por nuk ka lidhje me nevojën e studentëve. Ndërkohë, shohim që prokurimi vlerësohet nga Open Data Albania me “Flamur të kuq”, që është shenja e riskut për korrupsionin dhe abuzimin me fondin. Kontrata është firmosur me një kompani që u shpall fituese pasi u eliminua konkurrenca në kundërshtim me ligjin mbi prokurimet.
Konkretisht, në këtë procedurë u shfaqën 3 kompani, nga të cilat “RESULI-ER” kishte ofertën më lirë. Gjithësi drejtoresha e Veliajt nuk e ka marrë në konsideratë, por e ka përjashtuar që në fazën e parë të tenderit. Njësoj është vepruar edhe me kompaninë “Kleidi” shpk, duke i lënë kështu rrugën hapur firmës A&T në pronësi të Fabian Goçit.
Tenderi ka edhe implikime politike, pasi Fabian Goçi është partneri i deputetes së Partisë Demokratike, Ina Zhupa. Edhe pse kjo e fundit shfaqet si më “kritikja” ndaj korrupsionit të qeverisë, njerëzit e Ramës dhe të Veliajt kanë marrë urdhër t’i mbushin xhepat burrit të deputetes.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post