Ndeshjet e sotme të play-off për Euro 2024, kanë nisur me një duel mes Gjeorgjisë dhe Luksemburgut, të cilat përballeshin në gjysmëfinalet e Ligës C.
Skuadra gjeorgjiane, edhe pse nuk kishte në radhët e veta Kviça Kvaratskhelian, ka bërë detyrën duke siguruar finalen me një fitore 2-0.
Kvara mungonte në këtë sfidë pasi kishte plotësuar numrin e kartonëve të verdhë në ndeshjen e fundit në fazën në grupe, por detyrën e tij e ka bërë më së miri Budu Zivzivadze.
Sulmuesi i Karlsruhes në Gjermani, ka shënuar nga një gol në secilën pjesë loje për t’i dhënë një sukses të thjeshtë ekipit të tij me shifrat 2-0 ndaj luksemburgasve të cilët mbetën me 10 lojtarë që në minutën e 58 të ndeshjes pas kartonit të kuq të Çano.
Tani Gjeorgjia diskuton biletën e pjesëmarrjes në Europian me fituesin e çiftit Greqi-Kazakistan.
Discussion about this post