Kryebashkiaku në detyrë i Himarës, Jorgo Goro, është arrestuar me urdhër të SPAK. Bashkë me Goron mësohet se janë vënë në pranga edhe katër persona të tjerë, nga të cilët 3 janë zyrtarë në kohën kur dyshohet se janë konsumuar veprat penale.
Të njëjtat burime burime thanë se gjykata e Posaçme ka miratuar kërkesën e tyre për 5 masa sigurie, dy “arrest në burg”, mes të cilëve edhe Goro dhe tre “arrest në shtëpi”. Prangosja e Goros nga efektivë të policisë, të cilët zbatuan urdhrin e gjykatës, është bërë pasditen e kësaj të shtune në një lokal në zonën e Dhërmiut.
Arrestimi i Goros vjen për llogari të një hetimi të nisur pas një kallëzimi të Fredi Belerit, për shpërdorim detyre dhe falsifikim dokumentesh. Çështje për të cilën ai është thirrur më herët në SPAK dhe ka dhënë shpjegimet e tij. Sipas kallëzimit të Belerit, Jorgo Goro ka kryer shkelje ligjore në procedurën e blerjes së tokës nga Artan Gaçi, bashkëshorti i ish-ministres Olta Xhacka, të cilën e përdori për të përfituar statusin e investitorit strategjik. Sipërfaqja prej 5512 m3 truall në Dhërmi, është vënë në sekuestro me vendim të Gjykatës së Posaçme, pas një kërkese të SPAK, në Tetor të vitit të kaluar.
Lidhur me arrestimin reagoi edhe kreu i grupit parlamentar të PD, Gazment Bardhi, i cili kërkoi shkarkimin nga detyra si kryebashkiak i Himarës së Jorgo Goros. ”Arrestimi i Jorgo Gorës është një lajm i mirë, që duhet të shoqërohet me arrestime edhe të bashkëpunëtorëve zë Edi Ramës, që në shkelje të ligjit kanë përfituar prej tij statusin e investitorëve strategjik. KM duhet me urgjencë të urdhëroj shkarkimim e tij nga detyra’‘, shkroi Bardhi në ”X”.
Lexo edhe:
Xhaçka Strategjike – Historia që ‘hëngri kokën’ e Jorgo Goros
Tjetërsimi i tokave, SPAK: Dy episodet që çuan në pranga Jorgo Goron
Discussion about this post