Merr flakë autobusi në lëvizje në aksin Fier-Patos

Një autobus i linjës Fier-Patos ka marrë flakë në lëvizje këtë pasdite, si pasojë e një defekti teknik.

Të trembur nga incidenti pasagjerët kanë braktisur menjëherë autobusin

Forcat zjarrfikëses kanë bërë të mundur fikjen e zjarrit dhe nuk janë shënuar të lënduar.

“Rreth orës 19:15, në aksin rrugor ‘Fier-Patos’, dyshohet se për shkak të një defekti teknik, ka marrë flakë në ecje, një autobus me drejtues shtetasin I. Xh.”,-njoftoi policia.

Si pasojë e zjarrit janë shkaktuar vetëm dëme materiale.

Një hetim ka nisur për zbardhjen e rrethanave të ngjarjes.