Antonio Konte nuk është më trajner i skuadrës së Interit. Lajmi është zyrtarizuar nga klubi zikaltër ku e falenderojnë për bashkëpunimin dy vjecar. Palët janë ndarë me konsensus.
Mosmarrëveshjet me presidentin Zhang mbi uljet e pagave, mungesa e garancisë në merkato dhe shitja e elementëve kryesorë të ekipit janë disa nga arsyet që tekniku italian ka vendosur të mos e vazhdojë më detyrën si trajner i zikaltërve.
E ardhmja e Kontes tani më duket larg Italisë pasi asnjë ekip nuk mund të përballojë ambiciet e italianit. Totenhemi dhe Mançester Junajtid mund të jenë dy destinacione të mundshme për Konten, por nuk përjashtohet dhe Real Madrid, e cila këtë javë me shumë mundësi do të zyrtarizojë ndërprerjen e bashkëpunimit me teknikun Zinedin Zidane.
