Vila me letra të falsifikuara në Mullet, 10 të pandehur – Emrat

Prokuroria e Tiranës ka marrë të pandehur 10 persona, pasi akuzohen për ndërtimin e 7 vilave me dokumente të falsifikuara, në zonën e Mulletit.

Organi i akuzës njofton se ndaj të pandehurve janë ngritur akuzat për veprat penale “Ndërtim i paligjshëm” dhe “Falsifikim i dokumentave”.

Vilat, sipas hetimeve, janë ndërtuar në zonë pyjore përmes falsifikimit të dokumenteve.

“Në zonen e Mulletit, në ekonominë pyjore 1/a dhe 2/a, janë ndërtuar 7 objekte (vila), formalisht të pajisura me leje rindërtimi, por që ka rezultuar se dokumetacioni tekniko ligjor i përdorur pasqyronte të dhëna të rreme, si dhe duke cenuar fondin pyjor, në juridiksion të Bashkisë Tiranë”, thuhet ne njoftimin e prokurorisë.

Gjithashtu, Prokuroria ka vendosur nën sekuestro preventive të gjitha objektet e ndërtuara.

Të pandehur

• Armand Prelezi, arkitekt, akuzuar për veprën penale “Falsifikim i dokumentave”
• Klevis Bregu, arkitekt, akuzuar për veprën penale “Falsifikim i dokumentave”
• Manush Teqja akuzuar për veprën penale “Ndërtim i paligjshëm” dhe “Falsifikim i dokumentave”
• Florian Zela, i akuzuar për veprën penale “Ndërtim i paligjshëm”  dhe “Falsifikim i dokumentave”
• Abaz Teqja, akuzuar për veprën penale “Ndërtim i paligjshëm” dhe “Falsifikim i dokumentave”
• Tefta Visha, akuzuar për veprën penale “Ndërtim i paligjshëm” dhe “Falsifikim i dokumentave”
• Dorina Dushku akuzuar për veprën penale “Ndërtim i paligjshëm”
• Arblin Harizi akuzuar për veprën penale “Ndërtim i paligjshëm” dhe “Falsifikim i dokumentave”
• Gani Moka akuzuar për veprën penale “Ndërtim i paligjshëm” dhe “Moskallezim i krimit”