Pas protestave të forta të qytetarëve të Himarës në mbledhjen e Këshillit Bashkiak ku pritej të zgjidhej sot, kryetari i komandur i kësaj bashkie, mbledhja është vendosur të shtyhet për në orën orën 12:00 dhe në të do të jenë të ftuar vetëm mediat, jo qytetarët.
Vendimi është marrë nga drejtues të Këshillit Bashkiak që e kanë shpjeguar këtë me trazirën që u shkaktua.
Në fakt, qytetarët protestuan kundër pranisë në mbledhje të të dërguarve nga qeveria, të Blendi Klosit dhe të Vangjel Tavos në një mbledhje ku anëtarët e Këshillit Bashkiak do të duhej të zgjidhnin një drejtues të ri.
Mazhoranca socialiste synon të vendosë në krye të kësaj bashkie, një nga dy nënkryetarët e saj socialistë, Pervin Gjikurinë ose Blerinë Balajn dhe jo ndonjë përfaqësues të opozitës, pavarësisht se opozita i ka fituar zgjedhjet në këtë bashki më 14 Maj dhe kryetari fitues nga radhët e minoritetit, Fredi Beleri, u arrestua dhe nuk lejohet të betohet.
Discussion about this post