Kompania e drejtorëve të Veliajt 20 mln euro tendera në 6 vite -

Kompania e drejtorëve të Veliajt, Redi Molla dhe Mariglen Qato rezulton të ketë përfituar shuma të pamje në prokurimet publike.

Një përllogaritje të shifrave bëri gazetarja Ola Xama, e ftuar në studion e lajmeve të “MCN”. Ajo tha se vlera e kontratave publike të përfituara nga firma e dy drejtorëve në 6 vjet, i kalon 20 milionë euro.

“Igor elektrik e themeluar me 1 mijë lekë të vjetra në 2016. Fiton kontratën e parë dhe merr eksperiencën. Në janar 2017, pronari shet aksionet te Muhamet Petriti që është vjehrri i vëllait të Mariglen Qatos. Kompania vijon të marrë tendera. Më pas i kalon Nestor Muhametllarit. Nga 2016-2022, kompania ka xhiruar 20 milionë euro. Të ardhura totale në 6 vjet, shumica të bazuara në kontrata publike të lidhura në konflikt interesi. Pronarë de fakto kanë qenë dy drejtues të Bashkisë së Tiranës që kanë përfituar tendera nga ky institucion. Shohim që është bërë papritur shumë e fuqishme. Është rasti klasik kur të pasur të bën shteti”, tha gazetarja.

Akuzat

Molla dhe Qato u arrestuan një ditë më parë nga zbatim të urdhër-arresteve të lëshuar nga Gjykata e Posaçme, me kërkesë të SPAK. Ata akuzohen për korrupsion dhe fshehje pasurie. Urdhër-arresti tjetër me burg ishte për Taulant Tushen, i cili ndodhet pas hekurave për çështjen e inceneratorit të Tiranës. Ndaj tij është ngritura akuza e skeljes së barazisë në tendera.

Gjashtë masa detyrim paraqitje janë dhënë për 5 zyrtarë të tjerë të bashkisë dhe admistratorin e 5D Konstruksion” sh.p.k.

Hetimet e nisura pas një kallëzimi nga opozita zbuluan se Redian Molla dhe Mariglen Qato, si titullar (i pari) dhe me funksion drejtues (i dyti) te Ujësjellësi i Tiranës, i kanë dhënë tendera një firme – “5D Konstruksion” sh.p.k. (e njëjtë me “V.A.S Konstruksion” sh.p.k e njëjtë me “Igor Elektrik” sh.p.k) – që “de facto” është në pronësi të tyre.

Po ashtu, firma e tyre ka marrë tendera të parregullt ligjor edhe nga Bashkia e Tiranës, si dhe “Tirana Parking” e “Klubin Sportiv Tirana” (në varësi të bashkisë). Drejtorët Taulant Tushe, Deborah Keçi dhe Eglantina Zere janë nën akuzë për shkelje të barazizë në tendera.

SPAK nuk ka ngritur akuzë ndaj kryebashkiakut të Tiranës Erion Veliaj, ndërsa hetimet vijojnë pasi ka dyshime se procedura të tjera tenderuese janë fituar në mënyrë të parregullt ligjore nga firma e dy drejtorëve.

Lexo edhe: