Pacienti ndez cigare gjatë terapisë me oksigjen, spitali merr flakë

Një zjarr ka rënë brenda spitalit “Fratelli Parlapiano” në Ribera, në zonën e Agrigento-s (Itali), duke shkaktuar vdekjen e një pacienti.

Shkak i ngjarjes është bërë një pacient rumun 53-vjeç i cili ka ndezur një cigare pasi ka hequr maskën e oksigjenit, duke shkaktuar zjarrin. Vetë 53-vjeçari ka humbur jetën.

Gjithashtu shkëndija ka bërë që aparatura të shpërthejë dhe të marrë flakë. Zjarrfikësit kanë ndërhyrë menjëherë për të shuar flakët dhe për të shpëtuar pacientët e tjerë.

Po ashtu të tjerët të shtruar në departamentin mjekësor u evakuuan dhe u transferuan në urgjencë. Zjarrfikësit arritën të shuanin flakët, por një pjesë e spitalit u shpall i papërdorshëm. Nuk raportohet për lëndime apo helmime të tjera.