12 dynym tokë po e lënë në dyert e gjykatave një qytetar nga Kurbini prej vitesh. Andon Meta thotë për Syri Tv se zyrtarë të bashkisë së Kurbinit përfshirë kryebashkiaken Majlinda Cara janë përfshirë në falsifikim dhe toka po përdoret për zbrazje të inerteve.
Andon Meta nga Kurbini thotë se i është grabitur prona nga zyrtarë lokalë përfshirë kryebashkiaken.
SPAK-u sipas denoncuesit shpalli moskompetencë duke ia kaluar Prokurorisë së Lezhës, teksa kjo e fundit thotë Meta, kërkoi pushimin e çështjes.
Meta vendosi në dispozicion dokumente që sipas tij janë falsifikuar për t’i marrë pronën, ku evidentohet korrigjimi nga klasifikimi si “tokë në përdorim”, në klasifikimin “tokë në pronësi”. E për më tepër, qytetari tregon dy dokumente zyrtare ku në secilën për të njëjtën tokë, evidentohen 2 pronarë.
Gjykata Administrative, thotë Andon Meta, ka vendosur sekuestro mbi tokën, dhe ai tashmë kërkon zgjidhje nga drejtësia në Lezhë që i akuzon për zvarritje. Meta thotë se për këtë pronë edhe është kërcënuar me jetë.
Discussion about this post