Deputetët e opozitës, në seancën e sotme, kanë mbushur sallën e parlamentit dhe tavolinat e punës me targën “AA653DM”. Kjo targ, sipas opozitës, i përket makinës që përdorte vëllai i Kryeministrit Rama, Olsi Rama, me anëtarët e grupit kriminal të trafikut të drogës në Xibrakë.
Pak ditë më parë, kreu i grupit parlamentar demokrat, Gazmend Bardhi, tha se të dhënat e sistemit TIMS tregojnë se Olsi Rama dhe drejtuesit e grupit kriminal të kokainës kanë përdorur të njëjtin automjet, gjatë periudhës Prill – Dhjetor 2014.
Bardhi tha se një procedim penal i ri nisi si derivat i dosjes së Xibrakës që kishte në qendër një person të pa identifikuar “i moshës 45 vjeç me flokë të shkurta” i cili sipas hetuesve, dyshohej se ishte pjesëtar i grupit që u godit nga autoritetet vendase pas sinjalizimeve nga homologët gjermanë. Ky person, sipas Bardhit, është pikërisht Olsi Rama.
Dokumentat e publikuara, Bardhi i depozitoi në SPAK dhe kërkoi hetim për Olsi Ramën. Ky i fundit mohoi akuzat dhe kallëzoi në Prokurorinë e Posaçme kreun e grupit parlamentar demokrat për kallëzim të rremë.
Discussion about this post