“Veliaj dil dhe na sqaro”, sërish protestë para Bashkisë Tiranë

Pas asaj të së premtes, një tjetër protestë u zhvillua këtë të hënë para Bashkisë së Tiranës.

Në Ditën Ndërkombëtare të Romëve, ky komunitet zgjodhi të protestojë para bashkësisë së Tiranës, për të drejtën e tyre të banimit.

Qytetarët u shkrehën se 40 familje të ish-Komunales, gjatë fundit të vitit të kaluar, u nxorën në mënyrë të padrejtë nga programi i rindërtimit, program përmes të cilit ata do të pajiseshin me apartamente.

Për këtë, në protestën e sotme, ata thanë se i kanë ndjekur të gjitha procedurat e ankimimit. Ata theksuan se iu ishte premtuar ngritja e një komisioni rivlerësimi nga Bashkia Tiranë, sa i përket proceduarave që ishin ndjekur, për t’i dhënë zgjidhje problematikës së banimit sa më shpejt.

Afatet kanë kaluar, shtuan dhe thanë se duan shtëpitë e tyre. Dënuan neglizhencën se nga Bashkia Tiranë. Për këtë institucion, thanë se nuk kanë marrë asnjë përgjigje.

“Dil Veliaj, dhe na sqaro se çfarë zgjidhje do te ketë për ne”; “Duam shtëpitë tona. Kemi mbetur në rrugë”; Dy muaj pa paguar qiratë tonë, na gjeni zgjidhje”, ishin disa thirrjet e banorëve.