Rikthehet Europa League, në fushë Milani, Roma dhe Liverpuli

Europa League do të rikthehet mbrëmjen e kësaj të enjte, me katër ndeshjet e para për fazën çerekfinale.

Padyshim, vëmendja më e madhe do të jetë te supersfida mes dy ekipeve italiane, Milanit dhe Romës.

Të dyja skuadrat po kalojnë formë të shkëlqyer në kampionat dhe synojnë kualifikimin për në gjysmëfinalen e këtij kompeticioni.

Kuqezinjtë shihen si favoritë në përballjen e sotme, kjo edhe për shkak se Roma nuk njeh fitore në “San Siro” prej plot pesë vitesh.

Ndeshje interesante, do të jetë edhe ajo mes Liverpool dhe Atalantës në Angli. Skuadra e Klopp, vjen si favorite absolute në këtë takim, por ekipi i Gasperinit, ka treguar shpesh se i hap probleme të mëdhave.

Leverkusen, skuadër që shihet si favorite në këtë kompeticion, do të ketë një përballje të vështirë siç është ajo me londinezët e West Ham në shtëpi.

Sfida tjetër e mbrëmjes, do të jetë ajo mes portugezëve të Benfica dhe francezëve të Marseille.