Është mbajtur mbrëmjen e djeshme takimi urgjent i Këshillit të Sigurimit të Kombeve të Bashkuara, ku kryefjale e diskutimit ka qenë situata e krijuar në Lindjen e Mesme, mes sulmeve të Iranit dhe Izraelit
Në këtë mbledhje Irani dhe Izraeli kanë akuzuar njëra-tjerën si fajtor për prishjen e paqes ne Lindjen e Mesme
Ambasadori i Iranit në OKB, Amir Saeid Iravani thekësoi se Republika Islamike po ushtronte të drejtën e saj të natyrshme për vetëmbrojtje pas sulmeve të saj të paprecedentë ndaj Izraelit.
“Këshilli i Sigurimit dështoi në detyrën e tij për të ruajtur paqen dhe sigurinë ndërkombëtare. Prandaj, Teherani nuk kishte zgjidhje veçse të përgjigjej. Irani nuk kërkon përshkallëzim apo luftë, por do t’i përgjigjet çdo kërcënimi apo agresioni. Është koha që Këshilli i Sigurimit të marrë përgjegjësinë e tij dhe të adresojë kërcënimin real ndaj paqes dhe sigurisë ndërkombëtare”, tha Iravani.
Ndërkohë, ambasadori i Izraelit në OKB, Gilad Erdan tha: “Maska është hequr. Irani – sponsori numër një global i terrorit – ka ekspozuar fytyrën e tij të vërtetë si destabilizues i rajonit dhe botës. Maska hiqet dhe dorezat duhet të vishen.”
Ai kërkoi nga Këshilli i Sigurimit të OKB që të veprojë.
Discussion about this post