Deputeti demokrat Asllan Dogjani ka shkuar këtë të enjte në Kuvend me çadër plazhi, duke ironizuar kështu Olta Xhaçkën pas deklaratës së saj mbi debatin për resortin e bashkëshortit në jug të vendit.
Ai tha për mediat se donte që çadrën ta vendoste te vendi i Xhaçkës.
“Të gjithë jemi njëlloj, jemi shqiptar në Kosovë e Shqipëri. Për të justifikuar vjedhjen e pronave është e dënueshme. Kam marrë këtë çadër në mënyrë simbolike që të sensibilizohet opinion që gjuhë e tillë të mos përdoret më. Kërkoj nga Nikolla dhe komisioneri për diskriminimin që paguehen nga taksat që të marrin masa ndaj kësaj gjuhe të përdorur nga deputetët. Doja të hyja me këtë çadër në Parlament për ta vendosur aty ku ulet Xhaçka”, tha ai.
Gjatë një interviste për “Top Channel” disa ditë më parë lidhur me çështjen e përfitimit të statusit të investitorit strategjik nga i shoqi, Xhaçka u shpreh: Plazhin e duam që mos të na vijë dikush nga mali të na vër çadrën aty.
Discussion about this post