Presidenti Ilir Meta ka pritur në një vizitë në Presidencë këngëtarin e njohur italian, Albano Carrisi, ndërsa shkruan se është shumë i lumtur nga vizita e tij.
Meta ka publikuar në “Facebook” një video nga pritja që i bën këngëtarit Carrisi, ku shprehet se me muzikën e tij, frymëzoi shqiptarët në fund të viteve ’80 për liri dhe demokraci.
“Shumë i lumtur nga vizita e këngëtarit italian me famë botërore, Albano Carrisi. Me zërin dhe muzikën e tij Al Bano frymëzoi shqiptarët në fund të viteve ’80 për liri, demokraci dhe shpresë, ndaj nuk mund të mos këndonim së bashku, edhe me shumë miq të tjerë artistë, hitin e tij “Liberta”, që jehon aq fuqishëm sa tre dekada më parë në zemrat tona. Albania – Al Bano do të mbeten gjithmonë të pandarë. “Libertà, Quanti hai fatto piangere! Senza te, Quanta solitudine! Fino a che, Avrà un senso vivere Io vivrò, Per avere te”, shprehet Meta.
Discussion about this post