“Toskana është një nga portat kryesore të trafikut të kokainës nga mafia e “Ndraghetas” dhe kriminelët shqiptarë”, kështu shkruajnë mediat italiane referuar raportit mbi krimin e organizuar dhe korrupsionin në Toskanë më 2020.
Në raportin e publikuar mëngjesin e sotëm, thuhet se tregu toskan i drogës është ndërkombëtarizuar me organizata të huaja, si ato shqiptare, të cilët kanë fituar pozicione të privilegjuara në treg, për importin e sasive të mëdha të drogës nga jashtë dhe për shitje me shumicë në Toskanë.
Siç citohet në raport, në vitin 2020, Toskana ishte rajoni i dytë në Itali për sasinë e kokainës të kapur, mbi tre tonë, pas Kalabrisë, me një rritje prej 199% krahasuar me vitin 2019. Pikërisht në vitin 2020 , porti i Livornos ka shënuar edhe pikun më të lartë të trafikut përgjatë 10-vjeçarit të fundit.
Edhe më herët, mediat ndërkombëtare kanë shkruar për grupet kriminale shqiptare që po dominojnë tregun e drogërave të forta përtej Evropës.
Discussion about this post