Bashkia Gramsh prokuron një sasi të madhe bojërash dhe çikërrimash të tjera mbi të cilat është ngulur një2 prill 2024 ka hapur garën për tenderin me objekt ‘Blerje materiale ndërtimi, elektrike dhe hidraulike’.
Aty nuk përcaktohet se në cilët institucione do të përdoren këto materiale, por saktësohet fondi limit prej 221 milionë lekë që është vënë në dispozicion. Në fakt kryetari ia ka bërë dhuratë këtë kontratë Ilirian Osmanit, i cili operon si person fizik.
Deri më datë 17 prill 2024, kur ka qenë afati i fundit i dorëzimit të ofertave, vetëm Osmani ka paraqitur propozimin e tij me vlerë 218 milionë lekë, pra sa 89% e fondit limit.
Kështu, me një operator pa asnjë konkurrent përballë, Ajazi duhej të njoftonte anulimin e tenderit dhe jo të vazhdonte procedurat. Në fakt ai nuk e ka shtyrë më gjatë po në të njëjtën ditë ka shpallur fituese ofertën e Osmanit dhe ka nënshkruar kontratën dy vjeçare.
Kështu, 218 milionë lekë shkojnë për të blerë bojë, kabuj dhe brava dyersh. Nuk e dimë përse i ka blerë për dy vjet dhe jo për një vit këto bravat? Kushedi se çfarë parashikon kryetari, ndoshta prishen të gjitha bravat e bashkisë Gramsh dhe të institucioneve të tjera të varura prej saj. Për këto veprime të kundërligjshme Open Data Albania i ka vënë “Flamurin e kuq” tenderit. Kjo ngjyrë është alarm dhe kërkon reagimin e institucioneve kontrolluese.
Më poshtë është tabela e mallrave që po blen bashkia Gramsh.
Osmani klient i vjetër
Nga një kërkim për tenderët e mëparshme, rezulton se një kontratë e tillë qenka e përhershme mes Ajazit dhe Osmanit. Çdo dy vjet ai zhvillon tender për blerje materiale ndërtimit dhe elektronike, ku fituesi shpallet Ilirian Osmani. Për dy vjet, ky biznesmen xhiron paratë e taksapaguesve me ndihmën e kryetarit që e shpall gjithmonë fitues.
Tenderi i fundit që ai fitoi ishte në maj të vitit 2022 me të njëjtin objekt dhe me vlerë 190 milionë lekë. Ndërsa kanë kaluar dy vite për këtë kontratë e paska rritur pazarin Osmani dhe sikur të mos mjaftonte kjo, vëmë re se blihen të njëjtat materiale.
Nuk po përfshijmë ato materiale që konsumohen, por po flasim për brava dere, kabuj, rrjet volejbolli e të tjera, që nuk është nevoja të blihen çdo dy vite, nëse merren në cilësinë e kërkuar.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post