Prokuroria e Prizrenit, ka ngritur aktakuzë kundër të pandehurve me inicialet, B.A. (1999), B.A. (1976), T.Ç., dhe A.B., për shkak të dyshimit se këta persona kanë kryer veprat penale “Lëndimi i lehtë trupor”, “Sulmi” dhe “Kanosja”.
Sipas aktakuzës, të pandehurit rreth orës 18:38, në njërën prej Qendrave Tregtare në Prizren, në një zënkë me një person tjetër i shkaktojnë lëndim të lehtë trupor, për shkak të një mosmarrëveshje në mes të pandehurve dhe të dëmtuarit T.Ç., në lidhje me vendosjen e maskës. Për këtë ata e sulmojnë fizikisht duke e goditur me grushte në pjesë të ndryshme të trupit, duke e rrezuar për tokë, duke i shkaktuar lëndime të lehta trupore.
Ndërsa, të pandehurit T.Ç., dhe A.B., personit tjetër i shkaktojnë lëndim të lehtë trupor, në atë mënyrë që për shkak të një mosmarrëveshjeje fillimisht në mes të pandehurit T.Ç., dhe të dëmtuarit B.A. (1976), në lidhje me vendosjen e maskës, ku i pandehuri e sulmon fizikisht duke e kapur me duar për rroba e për gjoksi e duke e tërhequr, e më pas duke e goditur me grushte në pjesë të ndryshme të trupit, ku në ndërkohë ndërhynë edhe i pandehuri A.B., duke e goditur me shkelm të dëmtuarin B.A. (1976) në pjesë të ndryshme të trupit, duke i shkaktuar lëndime të lehta trupore .
Me këto veprime të pandehurit T.Ç., dhe A.B., në bashkëkryerje kanë kryer veprat penale “Lëndim i lehtë trupor” dhe “Sulmi” sipas KPRK-së. Me këto veprime i pandehuri T.Ç., ka kryer veprën penale “Kanosja” sipas KPRK-së.
Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartpërmendur për veprat penale për të cilat akuzohen të shpallen fajtorë dhe të dënohen sipas ligjit.
Discussion about this post